RANNSÓKNARTEYMIÐ

Unnur er prófessor við Læknadeild Háskóla Íslands en rannsóknir hennar snúa aðallega að áhrifum áfalla og þungbærrar lífsreynslu á heilsufar og sjúkdómsáhættu.

Arna er prófessor við Læknadeild Háskóla Íslands. Rannsóknir Örnu hafa einkum beinst að áhrifum áfalla, t.d. ástvinamissis og náttúruhamfara, á andlega og líkamlega heilsu.

Edda er Dósent við Læknadeild Háskóla Íslands og klínískur sálfræðingur hjá Landspítalanum. Hún er meðrannsakandi í Áfallasögu kvenna. Helstu rannsóknir hennar snúa að áhrifum áfalla á heilsufar, sér í lagi áfallastreitu og svefnvandamál.

Gunnar er lektor við Læknadeild HÍ. Hann stundar m.a. rannsóknir á heilsutengdum lífsgæðum og hvernig meta skuli meðferðarsvörun hjá fólki með æðabólgusjúkdóma. Gunnar er meðrannsakandi og gagnagrunnsstjóri rannsóknarinnar.

Harpa er með meistaragráðu í læknisfræðilegri tölfræði. Hún er gagnagrunnsstjóri hjá Miðstöð í lýðheilsuvísindum við Háskóla Íslands.

Thor er prófessor í líftölfræði hjá Miðstöð í lýðheilsuvísindum við Háskóla Íslands. Rannsóknir Thors hafa m.a. beinst að notkun áhættureikna og hagnýtingu líftölfræði í heilbrigðisvísindum.

Dóra er verkefnisstjóri við Miðstöð í lýðheilsuvísindum. Hún sér um fjárhagslegan rekstur og aðra verkþætti rannsóknarinnar.

Þórólfur er fyrrum sóttvarnalæknir og stýrði starfsemi sóttvarna samkvæmt sóttvarnalögum innan embættis landlæknis. Þórólfur er barna- og smitsjúkdómalæknir og auk þess doktor í lýðheilsuvísindum frá HÍ.

Sigurður Yngvi er sérfræðingur í blóðsjúkdómum og stundar aðallega rannsóknir á mergæxli og tengdum sjúkdómum. Hann er prófessor við læknadeild Háskóla Íslands.

Jóhanna er Lektor við Miðstöð í lýðheilsuvísindum. Rannsóknir hennar snúa að hagnýtingu tölfræði á sviði heilbrigðisvísinda og erfðafræði ásamt þróun tölfræðilegra aðferða fyrir erfðafræðirannsóknir.

Berglind er sálfræðingur á Landspítala og prófessor í sálfræði við Læknadeild Háskóla Íslands. Rannsóknir hennar beinast einkum að eðli og afleiðingum áfalla, áfallahjálp og meðferð við áfallastreituröskun.

Þorvarður Jón er prófessor við læknadeild Háskóla Íslands.

Hildur Björk er félagsfræðingur. Verkefni hennar snúa m.a. að rannsókninni Heilsa og líðan Íslendinga, lýðheilsuvísum og greiningu gagna um lifnaðarhætti, heilbrigðisþjónustu og dánarorsakir.

Hrefna er lýðheilsufræðingur (MPH) og með BS gráðu í sálfræði frá Háskóla Íslands. Hún starfar sem verkefnisstjóri hjá Miðstöð í lýðheilsuvísindum við Háskóla Íslands og er samskiptastjóri við þátttakendur í Áfallasögu kvenna

Jón Óskar er félagsfræðingur. Verkefni hans snúa m.a. að rannsókninni Heilsa og líðan Íslendinga, lýðheilsuvísum og greiningu gagna um lifnaðarhætti, heilbrigðisþjónustu og dánarorsakir.

Sigríður er með doktorsgráðu í lýðheilsuvísindum ásamt meistaragráðu í heilsulandfræði. Rannsóknir hennar beinast að ójöfnuði í heilsu, áhrifaþáttum heilsu og aðgengi að heilbrigðisþjónustu.